Eventyrlig oppussing - Mesnali

Endeleg blir det gjensyn med Gustav når han, Halvor og Rune tek fatt på eit prosjekt der mykje skal skje på kort tid. Eit av dei viktigaste grepa er å opne hytta meir mot omgjevnadene. Større vindauge slepper både dagslyset og naturen inn, og gir opphaldsromma ei heilt anna kjensle enn tidlegare.

Eit kjøkken bygd frå grunnen av

Denne gongen tek gutta på seg ei litt uvanleg utfordring: I staden for å montere eit ferdig kjøkken skal dei byggje kjøkkenet sjølve.

Materiallista til prosjektet omfattar mellom anna rustikke eikeplater, furu benkeplate og MDF, og resultatet blir eit kjøkken som er tilpassa både hytta og det nye uttrykket. Veggane på kjøkkenet får ein djup grønfarge, som saman med treverket skaper ein lun og karakterfull atmosfære.

Også resten av interiøret får ei tydeleg fornying. I stova blir taket og peisen måla. På soverommet blir det brukt tapet, og møblar og detaljar får innslag av både raudbrune og karamellfarga tonar. Kombinasjonen av mørke fargar, naturmaterialar og eksisterande tømmer gir hytta eit varmt uttrykk med tydeleg hyttestemning.

Husmannsraud ytterdør frå Bygg1

Bygg1 leverer dører til alle prosjekta i sesong 12, og på Mesnali har vi levert ytterdøra Geilo.

Geilo er ei ytterdør som tek med seg det beste frå tradisjonell norsk hyttestil - lun, solid og tidlaus. Med sitt klassiske design passar ho perfekt til hytter på fjellet, men også til bustader der du ønskjer eit varmt og tradisjonelt uttrykk.

Denne gongen er døra levert i fargen Jotun 2006 Husmannsrød, ein farge som passar svært godt til det tradisjonelle uttrykket på tømmerhytta. Døra er høgrehengsla sett utanfrå og levert i storleik 99 × 199 cm.

Den raude ytterdøra blir ein markert detalj i fasaden og tilfører farge utan å bryte med den klassiske hyttekarakteren. Saman med det eksisterande tømmeret og dei nye løysingane inne blir ho ein naturleg del av heilskapen.

Prosjektet på Mesnali viser korleis ei tradisjonell tømmerhytte kan få eit tydeleg løft utan å miste særpreget sitt. Med større vindauge, spesialbygde løysingar, ein varm fargepalett og respekt for materiala som allereie finst, har hytta fått nytt liv - og er klar for mange nye år ved Mesna.